جنرل بپن راوت اپنی بیوی سمیت تیرہ افراد ہلاک

تامل ناڈو میں گرکرتباہ ہونے والے بھارتی فضائیہ کا ہیلی کاپٹر جس کے اندر جنرل بپن راوت سمیت تیرہ افراد ہلاک ہوگئے۔ ہلاک ہونے والوں میں جنرل بپن کی بیوی بھی شامل ہیں۔

بھارتی نیوزکے مطابق ہیلی کاپٹر کے اندربھارت کے چیف آف ڈیفنس اسٹاف اور ان کی بیوی سمیت چودہ افراد سوارتھے۔ گیارہ افراد موقع پر ہی دم توڑ گئے جب کہ ان میں سے 3زخمیوں کو اسپتال منتقل کیا گیا۔ جن میں سے دو نے دوران علاج دم توڑ دیا۔

لیفٹننیٹ جنرل ریٹائر نے اپنی ٹوئٹ میں یہ تصدیق کی ہے۔ کہ جنرل بپن راوت اب ہمارے درمیان نہیں رہے۔ جنرل بپن راوت ملٹری کالج میں لیکچر دینے کےلئے جا رہے تھے۔

یہ بھی پڑھیں:  کابل میں سعودی سفارتخانے کا قونصل سیکشن دوبارہ کھول دیا گیا

اس سے پہلےجنرل بپن کی ہلاک یا زخمی ہونے کے حوالے سے سکوت اختیار کیا گیا۔

بھارتی نیوز کے مطابق بھارتی ایئر فورس کا ہیلی کاپٹر آرمی ڈیفنس سروسز کالج کی طرف آ رہا تھا کہ تامل ناڈو میں گر کر تباہ ہوگیا۔ انڈین فضائیہ نے حادثے کی تحقیق کے لیے ایک اعلی سطح کی انکوائری کمیٹی تشکیل دیدی ہے۔

میڈیا پر وائرل ہونے والی ایک ویڈیوز میں بھی دیکھا جا سکتا ہے کہ ہیلی کاپٹر کالج کے قریب گھنے جنگل والے علاقے میں گرگیا ہے۔ اور اس میں سے نکلنے والے بلند آگ کے شعلوں کو بجھانے کی کوشش بھی کی جا رہی ہے۔