حوثی باغیوں کے ڈرون حملے میں پاکستانی سمیت تین افراد جاں بحق ، چھ زخمی

حوثی باغیوں کے ڈرون حملے میں پاکستانی سمیت 3 افراد جاں بحق ، 6 زخمی

متحدہ عرب امارات (یو اے ای ) ڈرون حملے میں آئل ٹینکرز دھماکے سے پھٹ گئے۔ اور خوفناک آگ بھڑک اُٹھی جس کے نتیجے میں ایک پاکستانی سمیت تین افراد جاں بحق اور چھ زخمی ہوگئے۔

اطلاعات کے مطابق پولیس کا کہنا ہے۔ کہ شہر میں دو دھماکے سنے گئے۔ جن میں سے ایک دھماکا آئل ٹینکرز میں جب کہ دوسرا دھماکہ زیر تعمیر ایئرپورٹ پر ہوا ہے۔ تاہم ابوظہبی پولیس نے دھماکے کی نوعیت سے متعلق ابھی تک کچھ نہیں بتایا۔

مقامی پولیس کا کہنا ہے۔ کہ دھماکوں میں آئل ٹینکر کے پھٹنے سے تین افراد جاں بحق ہوئے۔ جن میں آئل تنصیبات پر کام کرنے والے ایک پاکستانی اور دو انڈین شہری شامل ہیں۔ جب کہ چھ افراد زخمی ہوئے۔
ہلاک اور زخمی ہونے والوں کو اسپتال منتقل کردیا گیا ہے۔ جہاں ایک زخمی کی حالت ابھی نازک بتائی جا رہی ہے۔

یو اے ای انتظامیہ کی جانب سے تاحال کسی کو واقعے کا ذمہ دار نہیں ٹھہرایا گیا ہے۔ اور نہ ہی آئل ٹینکرز پھٹنے کی وجہ سے آگاہ کیا گیا ہے۔ تاہم اس واقعے کی مکمل تحقیقات کے لیے انکوائری کمیٹی بھی تشکیل دیدی گئی۔

تازہ ترین خبروں کے مطابق یمن کے حوثی باغیوں کے ڈرون حملے کی ذمہ داری بھی قبول کرلی ہے۔ چند روز پہلے ہی سوشل میڈیا پر ایک پوسٹ کے اندر یو اے ای کو نشانہ بنانے کی دھمکی دی گئی تھی۔

سال کے پہلے دن ہی حوثی باغیوں نے اسلحے کی ترسیل کا الزام عائد کرکے یو اے ای کے یمن سے سعودی صوبے جازان جانے والے ایک بحری جہاز کو ہائی جیک کرلیا تھا۔ جب کہ یو اے ای انتظامیہ کا کہنا تھا۔ کہ جہاز میں ایک ایمبولینس سمیت اسپتال کے لیے ضروری سامان تھا۔

یہ بات واضح رہے۔ کہ یو اے ای حکومت نے یمن میں سعودیہ کی سربراہی میں قائم عرب عسکری اتحاد میں شمولیت حاصل کی تھی۔ تاہم بعد میں اپنی سرگرمیاں کم کردی تھیں۔