انڈیا نے پاکستان کے 35 یو ٹیوب چینلز بند کردیے
نئی دہلی ( آن لائن) بھارتی حکومت نے جمعہ کو پاکستان کے 35 یوٹیوب چینلز اور متعدد سوشل میڈیا اکاؤنٹس بند کر دیئے۔ اسی طرح کی کارروائی دسمبر میں کی گئی تھی۔ جب بھارت نے 20 پاکستانی یوٹیوب چینلز کو بند کر دیا تھا۔
ایک پریس کانفرنس سے خطاب کرتے ہوئے بھارت کی وزارت اطلاعات کے سیکرٹری، اپوروا چندرا نے کہا۔ کہ بلاک کیے گئے یوٹیوب چینلز کے ویوز کی تعداد 130 کروڑ سے زیادہ تھی۔ انہیں پاکستان کے باہر سے آپریٹ کیا جا رہا تھا۔ اور ان کے ذریعے بھارت کے خلاف جھوٹی خبریں پھیلائی جا رہی تھیں۔
یہ بھی پڑھیں : نمک کے ذرّے کے برابر رنگین تصاویر بنانے والا کیمرہ
اس موقع پر بھارت کی وزارت اطلاعات کے جوائنٹ سیکرٹری وکرم سہائے نے بتایا۔ کہ پاکستان سے تعلق رکھنے والے 35 یوٹیوب چینلز کے علاوہ دو ٹوئٹر ہینڈل، دو انسٹاگرام اکاؤنٹس، دو ویب سائٹس اور ایک فیس بک اکاؤنٹ بھی بند کر دیا گیا ہے۔
واضح رہے کہ انڈیا نے پاکستان کے بڑے یوٹیوب نیٹ ورکس بشمول طلحہ (خوجی ٹی وی) فلمز، اپنی دنیا نیٹ ورک کے علاوہ پاکستانی صحافیوں کو بھی نشانہ بنایا ہے۔
Urdu
Arabic
Chinese (Simplified)
English
Hindi
Indonesian
Portuguese