مولانا فضل الرحمان سے افغان وزیر خارجہ کی ملاقات،تمام اہم امور پر گفتگو

مولانا فضل الرحمان سے افغان وزیر خارجہ کی ملاقات،تمام اہم امور پر گفتگو۔

اسلام آباد ( آن لائن)جمعیت علماءاسلام اور(پی ڈی ایم) اپوزیشن اتحاد پاکستان ڈیموکریٹک موومنٹ کے سربراہ مولانا فضل الرحمان سے افغانستان کے عبوری وزیر خارجہ ملا امیر خان متقی نے وفد ہمرا ہ ملاقات کی۔

جس میں خطے کی صورتحال سمیت تمام اہم امور پر گفتگو ہوئی۔ جمعیت علماءاسلام کے سربراہ مولانا فضل الرحمان نے امارت اسلامی کو افغانستان میں پرامن اور اچھے طریقے سے کامیابی پر مبارکباد بھی دی۔

طالبان لیڈروں نے بھی بین الاقوامی سطح پر امارت اسلامی طالبان موقف کی حمایت پر مولانا فضل الرحمان کا شکریہ بھی ادا کیا ۔

ترجمان جے یو آئی(ف) نے کہا۔ کہ جمعیت علماءاسلام کے سربراہ مولانا فضل الرحمان سے افغان وزیر خارجہ  نے ملاقات کی۔

افغان وزیر خارجہ ملا امیر خان متقی وفد کے ہمراہ جے یو آئی اور(پی ڈی ایم) سربراہ مولانا فضل الرحمان کی رہائش گاہ پہنچے۔ تو دونوں لیڈروں میں خطے کی صورتحال کے پیش نظر تمام اہم امور پر گفتگو ہوئی ۔

ترجمان جے یو آئی نے کہا۔ کہ جے یو آئی سربراہ مولانا فضل الرحمان نے امارت اسلامی طالبان لیڈروں کی کامیابی کے لئے نیک خواہشات کا بھی اظہار کیا۔

طالبان وفد میں مسئول سفارتخانہ سردار محمد شکیب عبدا لرحمان فدا پروٹوکول آفیسر اور ترجمان فارن آفئیرز عبدالوہاب بلخی بھی شامل تھے۔ ملاقات میں مولانا صلاح الدین ایم این اے مفتی ابرار احمد سمیت دیگر افراد شامل تھے ۔

واضح رہے۔ کہ وزیر خارجہ ملا امیر خان متقی افغانستان پرہونے والی او آئی سی کے وزرائے خارجہ کے خصوصی اجلاس میں شرکت کے لیے اسلام آباد پہنچے ہیں۔