پی ڈی ایم کا 23 مارچ کو اسلام آباد پر مارچ کرنے کا فیصلہ

پی ڈی ایم کا 23 مارچ کو اسلام آباد پر مارچ کرنے کا فیصلہ

اپوزیشن اتحاد (پی ڈی ایم) اور جے یو آئی  کے سربراہ مولانا فضل الرحمان نے کہا ہے۔ کہ قوم 23 مارچ کو اسلام آباد کی طرف مارچ کرے گی۔

پشاور میں میڈیا سےبات کرتے ہوئے جے یو آئی کے سربراہ نے کہا۔ کہ پی ڈی ایم کی تمام جماعتیں 23 مارچ کے مہنگائی مارچ میں پرزور قوت کے ساتھ شریک ہوں گی۔

مولانا نے کہا۔ کہ خیبر پختون خوا کے بلدیاتی الیکشن کے پہلے مرحلے میں ہی تحریک انصاف کی شکست اپوزیشن کی فتح ہے۔ عوام اب مزید اس حکومت کو قبول کرنے کے لیے تیار نہیں۔

جے یو آئی کے سربراہ نے کہا۔ کہ بلدیاتی الیکشن کے اگلے مرحلے میں بھی حکمران جماعت پی ٹی آئی کو اس سے بھی زیادہ بری شکست کا سامنا کرنا ہوگا۔ عوام کی صحیح رائے اب سامنے آ رہی ہے۔

اُن کا مزیدکہنا تھا۔ کہ مہنگائی مارچ کی تیاریوں کے لئے بڑی شدت سے کام کیاجائے۔ نااہل اور ناجائز حکومت نے ملک کی معیشت کو تباہ وبرباد کردیا ہے۔ ہمارا مطالبہ اب صرف جنرل الیکشن کا ہے۔

اپوزیشن اتحاد (پی ڈی ایم) کے سربراہ نے یہ بھی کہا۔ کہ غریب آدمی اپنے بچوں کو گھر میں ہی قتل کردیتے ہیں۔ بچوں کی بھوک ماں باپ سے دیکھی نہیں جاتی۔ غریب آدمی کے لیے اب موت آسان اور زندگی مشکل ہوگئی ہے۔

ان کا مزید یہ کہنا تھا۔ کہ بلدیاتی الیکشن کا ایک مرحلہ مکمل ہوچکا ہے۔ جس میں حکمراں پارٹی کو شکست ہوئی۔ بلدیاتی الیکشن میں جے یو آئی کو سب سے زیادہ ووٹ ملنا اپوزیشن جماعتوں کی فتح ہے۔

پی ڈی ایم سربراہ نے کہا۔ کہ بلدیاتی الیکشن کامیاب تجربہ ثابت ہوا۔ اگلے مرحلے میں بھی حکمراں جماعت کا اس سے بھی برا حشر ہوگا۔ قوم ثابت کرے گی کہ پچھلے الیکشن میں اس کی کامیابی جعلی تھی۔

جے یو آئی کے سربراہ کا کہنا تھا۔ کہ اسمبلی میں پھر منی بجٹ لایا گیا۔ مزید یہ کہ اس پر کوئی بحث نہیں کی گئ۔ اب موجودہ صورتحال سے نکلنا ساری قوم کی ذمہ داری بن چکی۔

مولانا نے کہا۔ کہ پاکستان اسٹیٹ بینک نے حکومت پاکستان کو قرض نہیں دیا۔ جتنے بھی قرض لیے گئے وہ تمام قرض کمرشل بینکوں سے ہی لیے گئے ہیں۔

مولانا فضل الرحمان نے کہا۔ کہ اے این پی اور پیپلز پارٹی کی سوچ پی ڈی ایم کی طرح ہی ہے۔ پیپلز پارٹی کو کبھی بھی اپنا مخالف نہیں سمجھا۔ وہ پی ڈی ایم کا حصہ نہیں مگر پارلیمنٹ میں ہمارے ساتھ ہیں۔

اس وجہ سے اب پی ڈی ایم کا 23 مارچ کو اسلام آباد پر مارچ کرنے کا فیصلہ کیا ہے۔